Вынікі рэспубліканскага тыдня беларускай мовы “Як ты дорага мне, мая родная мова!”

    У  рамках  Рэспубліканскага  тыдня  беларускай  мовы “Як ты  дорага мне, мая родная мова”  ў  нашай  школе  таксама праводзіўся  Тыдзень  роднай мовы.

На  працягу Тыдня  вучні  гаварылі  па- беларуску. На  перапынках  гучалі  беларускія  песні , у тым  ліку на  словы Янкі Купалы і Якуба Коласа. У  праграму Тыдня было  ўведзена  мерапрыемства  “ Светлы воблік паэта”, прысвечанае  юбілею  Максіма  Танка.  Найбольшую  цікавасць  у  дзяцей  выклікала стварэнне  інтэрактыўнага  воблака  слоў “Маё  любімае  слова па- беларуску” і  падрыхтоўка  віншавальных паштовак “Пажаданні  роднай мове”. Па  выніках  апошніх  мерапрыемстваў  была  аформлена  выстава  з  творчымі  работамі вучняў.